“Jab jab dard ka baadal chhaya
Jab gham ka saya lehraaya
Jab aansoo palkon tak aaya
Jab yeh tanha dil ghabraaya
Hum ne dil ko yeh samjhaya
Dil aakhir tu kyun rota hai?” – Javed Akhtar
Socha tha zindagi ki girah main doondh loongi aasman apna kahin…
Socha tha aasmaan pe apna jahan basaungi kabhi…
Socha tha jahan ki saari khushiyan bhi samet lungi apne haathon mein…
Socha tha apne haathon se sajaungi fir apni duniya nai…
Socha tha uss duniya ki hassi ko bhikherungi sab taraf…
Fir jalta saara jahan aur ye aasmaan bhi meri kismat pe…
Main bhi khilkhilaati zara sa, zara si muskurati unn par…
Chhedti zara sa , zara si mein itraati…
Kehti ki jao, na lagao nazar meri udaan par…
Failaye the maine parr apne, choone har oonchayi ko…
Khojne the woh raaz, jo chupe hain jahan ki galiyon mein…
Doondne the woh moti, jo dabe hain samandar ki gehrayion mein…
Churani thi saari roshni mujhe sooraj se, khud chamakne ke liye…
Chamakna tha chand ki jagah, dikhane andhere mein raasta…
Chehakna tha, chadh ke har daali har ped ki jungalon mein…
Chadhna tha, har pahaad ki choti pe bhaag kar…
Aur chillana tha, ki dekho kya paya tumne meri tarah kuch bhi ab tak…
Socha tha goonjegi meri awaaz vadiyon mein…
Socha tha bahoongi har choti se nadi bankar…
Socha tha napoongi har ek raasta iss zamin ki…
Socha tha tairungi hawa main baadal bankar…
Socha tha har rang ko tod leti indradhanush ki kalai se…
Socha tha kuch aur hi honge nazaare zindagi ke…
Simply Wow! Keep writing Sari. You inspire. 🙂
Thanks Rex… 🙂
Reblogged this on Dew Drops and commented:
An inspiring poen by my friend Saritha Balakrishnan.
Very well written! keep writing!
Thanks…
wow Sari! reading this took me off my feet
Thanks a lot prats… 🙂
Bahut achi kavita hai. Bahut hi gahrai hai har ek line mei.
Thanks 🙂